Ayaz Babayev (14 aprel 1994, Bakı) — Azərbaycanlı müğənni.


== Həyatı ==
Ayaz Babayev 14 aprel 1994-cü ildə Bakı şəhərində anadan olmuşdur. 1999-cu ildə Telman Abbasov adına 225 nömrəli orta məktəbə getmiş 2010-cu ildə həmin məktəbin məzunu olmuşdur. Uşaqlıqdan musiqiyə həvəsi olan Ayaz Babayev məktəbin əksər tədbirlərində çıxış etmişdir. Fəaliyyətinə 2010-cu ildə onlayn radioda DJ kimi çalışmağa başlayıb 2010-cu ildə bir neçə işdə çalışaraq xəyallarını gerçəkləşdirmək üçün madiyyat yığmağa başlamış və ara sıra studiyada mahnılar ifa etməyə başlamışdır. 2012-ci ildə Space tv də yayımlanan "Sehrli pərdə" musiqi yarışmasına baş vuran Ayaz Babayev iki münsifin diqqətinə tuş gəlir Xalq artisti Faiq Ağayev və Əməkdar artist Lalə Məmmədova Ayaz Babayevi öz komandasında görmək istəyir lakin müğənnin seçimi Xalq artisti Faiq Ağayev olur. Müsabiqə boyunca Faiq Ağayevdən dərs alan müğənni, vokal dərslərinə başlamaq qərarına gəlir. Faiq Ağayev sayəsində Əməkdar incəsənət xadimi Nailə Mirməmmədli ilə tanış olur 2 il Nailə xanımdan özəl təhsil alır bundan sonra 2013 cü ildə İsveç - Azərbaycan birliyinin keçirdiyi Yay Festivalına qatılmış və orada laureat olmuşdur. Sosial şəbəkələrdə cover ifalarını paylaşan sənətçi 2014-cü ildə əfsanəvi "Modern Talking" qrupunun "Youre my heart Youre my soul" mahnısını slow versiyada ifa edən sənətçi, qrup həmin ifanı öz rəsmi facebook hesabında paylaşması nəticəsində 1 gündə yerli medianın gündəminə düşmüşdür. Bütün xəbər agentlikləri bu haqqda yazmışdır. Günlərlə yerli mediada adından söz etdirən Ayaz Babayev həmin ifaya klip çəkdirir.


== Karyerası ==
2015-ci ildə əksər ulduzların xitlərinin müəllifi olan Muxtar Abseynovla tanış olan Ayaz Babayev ilk ifası olan Çıx Get mahnısını ona hədiyyə etmiş və beləliklə sənətçinin ilk mahnısı işıq üzü görmüşdür.2015-ci ildən fotosessiyaları, qısa videoları, ifaları, həyat tərzi və fikirləri ilə sosial şəbəkədəki insanların marağına səbəb olan Ayaz Babayev instagramda tanınmağa və izləyici sayısı artmağa başlayır. Məşhurluğu bu ildən başlayan Ayaz Babayev 2016-cı ildə "Empire Entertainment" in başlatdığı "The New Voice 2016" müsabiqəsinə qatılır və qalib olur. The New Voice layihəsi Ayaz Babayevə ikinci ifası olan Camalımsanı qazandırır. Sözü gedən şirkətin məhsulu olan Camalımsan mahnısını kliplə təqdim edən Ayaz Babayev, klipində tərəf müqabili olaraq sevilən aktrisa Cəmilə Tağızadəni seçir.
Hər zaman Müdafiə nazirliyinin tədbirlərində iştirak edən sənətçi dəfələrlə MN-nin fəxri fərmanlarına layiq görülmüşdür. 2016-cı ildə həmkarı Pərvanə Talıbzadə ilə turne konsertlər təşkil etmiş bir çox hərbi hissədə konsert proqramı ilə çıxış etmişdir. Hər zaman xeyriyyə tədbirlərində, dövlət əhəmiyyətli tədbirlərdə, heyvanlar adına etdiyi işlərdə atdığı addımlara görə insanlar tərəfindən təkcə müğənni kimi yox həmdə insan kimi çox sevilir və rəğbət qazanır. 2017-ci ildə söz və musiqisi dostu biznes lady Aygül Əlizadəyə məxsus olan üçüncü ifasını Dəyişmərəmi təqdim edən Ayaz Babayev artıq musiqilərini sosial şəbəkələr vasitəsi ilə daha çox insana çatdırır. Artıq bir neçə müddətdir tanış olduqu çalışdığı insanları komanda şəklində toplayır. Ayaz Babayev zaman keçdikcə daha çox tanınmağa başlayır. 2017- 2018-ci illərdə bir sıra cover ifaları ilə sosial şəbəkələrdə məşhurlaşan Ayaz Babayev prezident mükafatçısı nəfəs alətləri ustası Emil Bağırovla tanış olur və bir neçə mahnısında ifa edir.
2017 ci ildə Baku Shopping Festivalı çərçivəsində mədəniyyət nazirliyi Ayaz Babayevin xalqa açıq silsilə konsertlərini təşkil edir. Dövlət əhəmiyyətli Baku Shopping Festival-dakı uğurlu konsertlərinə görə Mədəniyyət nazirliyinin fəxri fərmanını alan Ayaz Babayev eyni ildə Luxury Awards ödül gecəsində ilin gənc müğənnisi adına layiq görülür.
2018 ci ilin əvvəlində Emil Bağırov həmkarı Sura İsgəndərli ilə Ayaz Babayevə duet təklif edir.Tərəflər duet təklifini olumlu qəbul edir və müğənni Ramal İsrafilovun Yaxşı ki varsan mahnısını fərqli aranjemanda ifa edirlər.Aranjemanını Nihad Məlikovun üstələndiyi klipini Fərman Bəşirlinin çəkdiyi Yaxşı ki varsan mahnısı çox qısa zaman da sosial şəbəkələrə bomba kimi düşür.2018 ci ildə sevgi himnləri sırasına daxil olan ifan milyon dinlənilmə sayısını keçərək adını uğurlu duetlər siyahısına yazdırmağa bacarır.Əksər tədbir və konsertlərdə cütlük sevilən duetlərini ifa edir,duet Pİ group tərəfindın "7 Gözəl Awards" da ilin dueti seçilir. Bir sıra mükafatlara layiq görülən duet 2018 ci ilin xitləri arasında öz yerini alır. Həmkarı Sevinc Ağaşirinovanın repertuarından sözləri Samir Quliyevə musiqisi Əhməd Mustafayevə məxsus olan Buyur yanımda əyləş mahnısını ifa edir. Mahnının aranjemanı İslam Şirvaniyə məxsusdur.Səs yazmanı Flamingo Recordsda edən müğənni studiyada sevilən ifaçı Shey Ree ilə mahnını feat etmək qərarına gəlir. Uğurlu duetin klipini yenə Fərman Bəşirli lentə alır.Klipdə Ayaz Babayevin tərəf müqabili isə tanınmış blogger Leila Land olur . Klip və mahnı uğurlu işlər arasında öz yerini alır.Heydər Əliyev sarayı başda olmaqla ölkənin ən böyük events hall larında və konsert salonlarında Ayaz Babayevin konsertlərdə çıxışları olur. Sevilən reper Noton M Kalibre ilə bir araya gələn Ayaz Babayev həmkarı Nihad Məlikovla birgə üçlü feat edir. "Dəli oluram" adını verdikləri single ın ideya müəllifi Ayaz Babayevin produseri Əli İmran Babayev olur. Sözləri Noton M Kalibre musiqisi Nihad Məlikov və Noton M Kalibreyə məxsus olan trackın klipi Elektra events halldakı konsertləri əsnasında Fərman Bəşirli lentə alır.
2018 ci ildə Ayaz Babayevi tamaşaçılar aparıcı kimi Lider Tv də yayımlanan Fortuna proqramında görür.
Proqrama aparıcılıq Ayaz Babayev aparıcı kimi də böyük rəğbət qazanır. Müğənni Mələk kimi ifasını təqdim edir. Mahnının klipində yenə tanınmış blogger Leila Land rol alır, bu dəfə həyat yoldaşı tanınmış model İgo Guseinov ilə Fərman Bəşirlinin obyektivi qarşısına keçən cütlük sevgi dolu həyatlarını klipə yansıdırlar. Sözləri və musiqi Noton M Kalibre və Nihad Məlikovun yazdığı Mələk kimi mahnısı qısa vaxt ərzində hitə çevrilir, həmin ildə əksər cütlüklərin sevgi himninə çevirilən mahnı bu gündə aktuallığını qorumağa davam edir.
2019 cu ildə şəxsi hitləri ilə yanaşı oxunulmuş mahnılara yeni nəfəs verən Ayaz Babayevin ifaları arasına müəllifi Nezih Üçlerin olduqu Berkayın Gülüm mahnısı da daxil olur. Ardınca ifaçı sevilən sənətçi Rəşad İlyasovun repertuarına müraciət edir. Sözləri Azər Şirinə musiqisi Elçin Cəfərova məxsus olan Xəstəsi oldum adlı mahnı Ayaz Babayevin uğurlu seçimləri sırasına daxil olur və Ayaz Babayev hitləri arasında öz yerini alır.
2019-cu ildə müğənni tədbir üçün Amerikaya dəvət olunur.Amerika səfərindən sonra adından çox söz etdirən ifaçı artıq sərhədləri aşmağa başlayır.Lakin aylar öncədən edilmiş iş birliklərinı görə ölkə xaricindəki dəvətləri qəbul edə bilmir.Amerikanın paytaxtı DC də tədbirini ifa edən sənətçı New Yorka gedir və gələcəkdəki işləri üçün bir sıra görüşmələr edir. Azərbaycana geri qayıdan kimi isə hal hazırda ifaçının vizit kartı olan Möcüzə üçün studiyaya girir. Söz və musiqisi Noton M Kalibre məxsus olan mahnının klipini yenə Fərman Bəşirli lentə alır.Klipin bəzi səhnələrini isə Fərman Bəşirlinin kolleqası Zaur Kərimov lentə alır.Böyük komandanın ərsəyə gətirdiyi klipdə baş rolları tanınmış influncer Sabi Orudjeva və həyat yoldaşı tanınmış hair master Orhan Özdoka həvalə olunur . Klipin nikah səhnələrində başqa tanınmış bloggerlərdə səhnə alır. Klipi böyük komanda işlədiyindən videoqraf Asəf Rəhimli də Fərman Bəşirli ilə yanaşı klipin montajında yer alır.Adı gedən klip piyasaya bomba kimi düşür.Milyonlarla dinlənilməsi olan mahnl bugündə aktuallıqını qoruyub saxlayır.Mahının aranjemanı Yuzbek Zagirova məxsusdur. Skripka partiyaları isə yenə Həmid Əmirəliyevə. 2020 ci ilin əvvəlində Gürcüstana tədbir üçün dəvət olunan Ayaz Babayev yenə də adından çox söz etdirməyə davam edərkən 2020-ci ildə Braun markasının siması olur. 2020-ci ildə pandemiya səbəbi ilə piyasada durğunluq yaransada Ayaz Babayev bu ilə 2 trackı çıxardı.
Komandası və yaxın dostları ilə bir araya gələn Ayaz Babayev sənət yoldaşları Hiss, Noton M Kalibre və Aslıxanla birgə Təki sən istə trackını piyasaya təqdim edir. Təki sən istə proyekti komandanın ən uğurlu seçimlərindən olur,klipini karantin qaydalarına uyğun olaraq studiya şəraitində Fərman Bəşirli lentə alır. İnsanlara dostluqu sevgini mehribançılığı göstərən bu klipdə adı gedən ifaçıların bütün yaxın çevrəsi rol alır. Mahnının müəllifi Aslıxan və Noton M Kalibredir.Aranjemanı Yüzbek Zagirova məxsus olan track unudulmaz duetlər sırasına daxil olaraq minimalist insanların playlistində öz layiqli yerini alır.
2020-ci ildə piyasadakı durğunluqdan və boş vaxtlardan səmərəli istifadə edən Ayaz Babayevə yenə raitinqli serialdan təklif gəlir. İmtahan serialında rol alan Ayaz Babayev bu rolu ilə tamaşaçıların qəlbinə yenə aktyor kimi yol tapır. Çox uğur gətirən serialda bir neçə bölüm sonrası serial final ilə sevənləri ilə sağollaşır. Serialın final bölümündə tamaşaçıların ilk bölümdən arzuladığı məqamda Ayaz Babayevin Möcüzə mahnısı serialın soundtrackları sırasına daxil olur. Karantin zamanı efirlərə showlara nisbətən daha çox çıxan Ayaz Babayev 2020-nin yayında Qəlbim sənin evin mahnısını piyasaya təqdim edir. Mahnı sifariş mahnı olsa da tamaşacıların da doğum günlərində istifadə etdiyi və dinlədiyi tracklar arasında yerini alır. Sözləri mahnını sifariş edən şəxs Gülnarə Əliyevaya musiqisi isə Noton M Kalibre yə məxsus olan trackın aranjemanı Yuzbek Zagirova, klipi Nicat Alışova məxsusdur.
Mahnıya bir çox peşəkar musiqiçilər alətləri ilə gözəllik qatıblar. 2020-ci ilin yayında müəllifi Noton M Kalibre olan, aranjemanı Yuzbek Zagirova klipini Fərman Bəşirlinin üstələndiyi Sən Mənlə adlı layihəsini hazırlayır.Klipdə ifaçı tanınmış blogger Apruza Aliyeva ilə baş rolları canlandırır. Klipdə bir sıra instagram fenomenləri də rol alıb. Klipin qrimini Rəvanə Rzayeva və Məsi Rəhman üstələnir.
Böyük Vətən müharibəsi başladığından Ayaz Babayev proyekti təqdim etmir. 2020-ci ilin payızında Böyük Vətən müharibəsi başlayır. Ayaz Babayev cəbhə istiqamətinə dəfələrlə sovqat aparan, əsgər və əsgər ailələrinin yanında olan ifaçı kimi əlindən gələn hər şeyi edir.
Sosial mediada düşmənə qarşı AB team yaradaraq, bir çox dünya məşhurlarının dezinformasiyalarını sildirir, bütün dünyaya həqiqtlərin çatdırılmasında böyük rol oynayır. Müğənni AB team sayəsində düşmənin bütün sosial medyadakı yalanlarını ifşa edərək Azərbaycan haqqında həqiqətləri dünyaya çatdırır.
Sən Mənlə adlı proyektini müharibə bitsədə şəhidlərimizin xatirəsinə hörmət əlaməti olaraq bu il təqdim etməyəcəyini bildirir, 2021 ci ildə təqdim edəcəyini bəyan edir.


== Diskoqrafiyası ==


=== Sinqlları ===
Çıx get
Camalımsan
Dəyişmərəm
Yaxşı ki varsan (feat Sura İsgəndərli)
Buyur yanımda əyləş (feat Shey Ree)
Dəli oluram (feat Noton x Nihad Melikov)
Sevgililər günü (feat Nihad Melikov)
Düşünə Düşünə
Gülüm
Mələk kimi
Xəstəsi oldum
Möcüzə
Təki sən istə (feat Hiss x Aslıxan x Noton)
Qəlbim sənin evin


=== Kliplər ===
Camalımsan
Dəyişmərəm
Yaxşı ki varsan (feat Sura İsgəndərli)
Buyur yanımda əyləş (feat Shey Ree)
Dəli oluram (feat Noton x Nihad Melikov)
Sevgililər günü (feat Nihad Melikov)
Mələk kimi
Möcüzə
Təki sən istə (feat Hiss x Aslıxan x Noton)
Qəlbim sənin evin


=== Duetlər ===
Sura İsgəndərli
Shey Ree
Noton
Hiss
Aslıxan
Nihad Məlikov


== Mükafatları ==
Selected People Awards 2019 - ilin gənc müğənnisi
Azerbaijan Best Awards 2019 - İlin Kişi pop ifaçısı
Golden Names Awards 2019 - İlin gənc ifaçısı
Trenf of the year 2019
Star Awards 2019 The Best Singer
The Best of All 2019 - Ən yaxşı kişi pop musiqi ifaçısı
Türkiye gençlik ödülleri 2019


== Xarici keçidlər ==
İnstaqram
YouTube
Facebook
Twitter


== İstinadlar ==